லக்னாதிபதி தரும் அதிர்ஷ்டம்! - நையாண்டிச் சித்தர் க. காந்தி முருகேஷ்வரர்

லக்னாதிபதி, கேந்திர 
திரிகோணங்களில் 
இருக்க பிறந்தவர்கள் 
அதிர்ஷ்டசாலிகள்..
தசாபுக்திகள்
கெட்டுப் போயிருந்தாலும்
ஜாதகருக்கு 
குறைவான கெடுபலனே நடக்கும்...
கோட்சார பலன்களும்
லக்னம்,
லக்னாதிபதி கெடாமல் இருந்தால்
யோகமான பிறவிதான்...
எத்தனை கஷ்டங்கள் 
துன்பங்கள் துயரங்கள் 
வந்தாலும் அத்தனையும் மாறி
தேசம் போன்ற வாழ்வான்...

லக்னம் 6, 8, 12-ல்
மறைந்தால்
நிம்மதியற்ற வாழ்வே கிடைக்கும்...
அதிர்ஷ்ட தசைகள் நடந்தாலும்
முழு நற்பலன் கிடைக்காது...
லக்னத்தில் பாவ கிரகமோ
லக்னாதிபதியுடன் பாவ கிரகமும்
லக்னத்தை பாவ கிரகமோ பார்த்தால்
நல்வாழ்வுக்கு களங்கம் ஏற்படும்...
எத்தனை திறமை இருந்தாலும் 
முன்னேற முடியாது...
எவ்வளவு நல்லவனாக இருந்தாலும் 
நல்லது நடக்காது...
இயலாமை, விரத்தியால்
போட்டி, பொறாமை, வஞ்சகம், சூழ்ச்சி,
கெட்ட சிந்தனைகள் மேலோங்கி 
கெட்டவனாக மாறி
வாழ்வில் கெட்டதே நடக்கும்...
சுப கிரகப் பார்வைகள் இருந்தால்
சுமாரான பலன்கள் உண்டு...

பாவ கிரகங்கள் பார்வையால்
பாதிக்கப்பட்ட ஜாதகர்
பரிகாரம் செய்யவேண்டும் எனில்
பாதிக்கப்பட்ட கிரகத்திற்கு
பாலாபிஷேகம் செய்யவேண்டும்..
சுப கிரக பார்வை கொண்டவர்கள் 
ஆன்மிக ஸ்தலங்களுக்கு 
அவ்வப்போது போனால்
நல்லெண்ணம், நற்சிந்தனைகொண்டு
வாழ்வில் நல்லதே நடக்கும்..
லக்னாதிபதி வலுப்பெற்று
சுப கிரகங்களால் பார்க்கப்பட்டால்
கலங்கமில்லா வாழ்வும்
யாரையும் கெடுத்து வாழும்
குணம் இல்லாமல்
பிறர்க்கு கொடுத்து வாழும் 
ராஜ வாழ்க்கை உண்டு...

இரண்டாம் இடம் 
வலுப்பெற்றவன்...
இரண்டாம் இடத்தில் 
சுப கிரகங்கள் இருப்பது...
இரண்டாம் இடத்தை 
சுப கிரகங்கள் பார்ப்பது...
இரண்டாம் அதிபதியுடன்
சுப கிரகங்கள் தொடர்புகொள்வது...
சுபத்தன்மை கொண்ட 
இரண்டாம் அதிபதி தசை நடந்தால் 
இருக்கும் இடத்தில்
நல்ல வருமானம்
நல்ல இல்லற சுகம்
கட்டாயம் உண்டு...
பிறரை கையேந்தி வாழும் 
வாழ்க்கை ஏற்படாது...
சுய வருமானம்
சுய தொழில் வருமானம்
ஆயுள்வரை உண்டு...
சுயத்தை இழக்காத
சுபிட்சமான வாழ்க்கை உண்டு...

இரண்டாம் இடம்
நல்ல நிலையில் இருந்தால்
தாய்- தந்தையருக்கு 
பிரச்சினை இல்லாத சூழல் அமையும்...
ஆரம்பக் கல்வி தடைபடாமல் இருக்கும்
வீட்டில் ஆரோக்கியம் இருக்கும்
அமைதி இருக்கும்
ஆன்மிகம் இருக்கும்...
சொந்த பந்தம்
உறவினர்கள்
ஒத்துழைப்பு கொடுப்பார்கள்...
15 வயதுவரை
இனிமையான வாழ்க்கை 
ஏற்றமான சூழலும் 
குடும்பத்திற்கும் உண்டு...
இதைத்தான்
குழந்தை பிறந்தபின்
குடும்ப முன்னேற்றம் 
அடைந்ததாக சொல்வார்கள்...
இரண்டாம் இடம்
நல்ல நிலையில் இருந்தால்
சொல்வாக்கும் செல்வாக்கும் பெற்று
நினைத்த வாழ்க்கை கிடைக்கும்...

பரிகாரம் என்னவென்றால்
இரண்டாம் இடத்து அதிபதிக்கு
மஞ்சள் நீரால் அபிஷேகம் செய்யவேண்டும்...
சுய ஜாதகத்தில்
கிரகம் நின்ற இடத்தை
அறிந்து
அந்தக் கிழமையில்
அந்தக் ஹோரையில் சென்று
அந்த கிரகத்தை வழிபட்டால்
கிரக தோஷம் நீங்கி
யோகத்தை வாரி வழங்குவார்...
பொதுவாக எல்லாருக்கும் 
இஷ்ட தெய்வம் உண்டு..
இஷ்டப்படி கும்பிடும் தெய்வம் உண்டு
குலதெய்வம் உண்டு
குலம் காக்கும் தெய்வம் உண்டு..
முறையாக கும்பிட்டு வந்தால்
தெய்வங்கள் அருகில் நின்று பேசும்..
அவதிகள் பட வேண்டாம்
அவஸ்தையும் பட வேண்டாம்
அருகில் இருக்கும் பிள்ளையாருக்கு
அருகம்புல் மாலை சாற்றிவர
அத்தனை துன்பமும்
இன்பமாகும்..
"வாழ்க வளமுடன்''